УИХ-ын Аюулгүй байдал, гадаад бодлогын байнгын хороо өчигдөр үдээс хойш Төрийн ордны хуралдааны “Б” танхимд хуралдлаа. Хуралдаанаар хоёр асуудал хэлэлцсэний эхнийх нь ”Монголын ураны нөөц, ашиглалт ба боловсруулалт” гэсэн сэдэв байсан бөгөөд уг асуудлыг гишүүд хаалттай горимоор хэлэлцэв. Үүний дараа гишүүд Монгол Улс, Азийн хөгжлийн банк хооронд байгуулах “Баруун бүсийн босоо тэнхлэгийн авто замыг хөгжүүлэх төсөл”-ийн санхүүжилтийн ерөнхий гэрээний төслийг зөвшилцөх тухай асуудлыг санал нэгтэй дэмжин, УИХ-ын чуулганы хуралдааны дэгийн тухай хуулийн дагуу Төсвийн болон Эдийн засгийн байнгын хорооны санал, дүгнэлтnau нэгтгэн хэлэлцээд Байнгын хорооны санал, дүгнэлтийг Засгийн газарт хүргүүлэхээр шийдвэрлэв.