С.Бямбацэрэн, Т.Мөнхтуяа, С.Батцэцэг нар өнөөдөр барилдана

Манай улсаас 55 кг-ийн жинд “Аврагч” спорт хороо, үндэсний шигшээ багийн тамирчин ОУХМ С.Бямбацэрэн зодоглох бөгөөд эхний тойрогт Хятадын бөх Хуечинь Зхонгтой таарчээ. Харин 59 кг-ын жинд ОУХМ, “Хангарьд” клуб үндэсний шигшээ багийн тамирчин Т.Мөнхтуяа барилдах юм. Тэрбээр эхний тойрогтоо хийлж, хоёрдугаар тойрогт Польш улсын бөх Анна Тереза Звиридовскатай оноолт таарсан байна.
“Хилчин” спорт хороо, үндэсний шигшээ багийн тамирчин, МУГТ С.Батцэцэг 63 кг-ийн жинд Венесуэлийн бөх Наталь Жозефина Греман Херрератай эхний тойрогт сугалаа таарч, хүч үзэхээр болжээ. Тэрбээр хоёрдугаар тойрогт өнгөрсөн жилийн дэлхийн аварга, АНУ-ын бөх Елена Пирожковатай барилдах магадлалтай байгаа аж.
Б.Буд
СЭТГЭГДЭЛ БИЧИХ