Унгар улсын нийслэл Будапешт хотын “Papp Laszlo Sportarena” спортын цогцолборт болж байгаа сонгомол барилдаан, эрэгтэй эмэгтэй чөлөөт бөхийн насанд хүрэгчдийн ДАШТ өнөөдөр тав дахь өдрөө үргэлжилнэ. Өнөөдөр эмэгтэй 67, 72 кг-ын жингүүдийн барилдаан болно.

Гавьяат тамирчин О.Бурмаагийн хувьд сугалаа нэлээд хатуу таарч нэгдүгээр тойрогт олимпийн аварга Н.Воробьёватай  барилдана. Өнгөрсөн жилийн И.Ярыгиний тэмцээнд түүнийг ялж байсан удаатай. Энэ хэсэгт 2012 оны дэлхийн аварга, шведийн бөх Жени Франссон, ДАШТ-ний хошой хүрэл медальт, беларуссын бөх Василиса Марзалюк, японы бөх Хирое Сузукинар бас байна.

Гавьяат тамирчин О.Насанбурмаа нэгдүгээр тойрогт хийлж хоёрдугаар тойрогт канадын бөх Анака Стасиетэй барилдана. Универсиад наадмын аварга, японы бөх Сара Дошо нөгөө хэсэгт нь оржээ.