“Хамаг монгол” төслийн хаалтын тоглолт өнөөдөр Чингисийн талбайд болно. Энэхүү төслийн ажлын төлөвлөгөөнд тусгагдсаны дагуу тус тоглолтод 250 гаруй монгол  үндэстэн оролцож, монгол үндэсний дуу бүжиг, соёлын гайхамшигийг үзэгчиддээ өргөн барих аж   Тус төсөл нь өнгөрсөн гуравдугаар сараас хэрэгжиж эхэлсэн бөгөөд төслийн аялан тоглолт ОХУ-ын Тува, Буриад, Халимаг орнуудад нийт  есөн удаа болжээ. Тува, Буриад, Халимаг улсуудаас үндэсний соёлын чуулгууд ирж буйгаараа онцлогтой аж. Мөн тоглолтын үеэр тулганы гал бадраах ёслолыг зохион байгуулах юм байна.   Тоглолтын  “Олуулаа” уриаг дэмжиж, Монгол улсын ерөнхийлөгч Ц.Элбэгдорж хүрэлцэн ирэхээ мэдэгдсэн байна. Монгол үндэстнүүд нэгэн дор хуран цуглаж, нэгэн оройг монгол дуу хуур, ёс заншлаараа бахархан өнгөрүүлцгээе. “Хамаг Монгол” тоглолт маань үнэ төлбөргүйгээр үзэгчиддээ хүрэн бөгөөд үзэхийг хүссэн Монгол хүн бүр хүрэлцэх ирэх бүрэн эрхтэй гэж зохион байгуулагчдын зүгээс онцолсон юм. Б.Буд