Манай тамирчид 39 медаль хүртжээ
Ой тогтоолтын олон улсын нээлттэй тэмцээн Гонконг улсад өнгөрсөн сарын 28-30-ны өдрүүдэд болж өндөрлөлөө. Тус тэмцээнд манай 10 тамирчин оролцсон бөгөөд 18 алт, зургаан мөнгө, 15 хүрэл нийт 39 медаль хүртэж багаараа II байрт шалгарлаа.
Энэхүү тэмцээнд 11 орны 110 тамирчин ой тогтоолтын 10 төрөлд бага, дунд, насанд хүрэгчдийн ангилалаар өрсөлдсөн юм. Манай тамирчин Б.Намуунтуул дунд насны ангилалд хоёр алт, зургаан мөнгө нэг хүрэл хүртсэн бол насанд хүрэгчдийн ангилалд нэгдүгээр байрт шалгарч дэлхийн чансаанд 1700 гаруй тамирчнаас 51-т бичигдсэн байна.
Ийнхүү “манай ой тогтоолтын тамирчид ирэх сард Лондон хотод болох Ой тогтоолтын дэлхийн аварга шалгаруулах тэмцээнд оролцоход бэлэн гэдгээ харуулж байна” гэж дасгалжуулагч, Оюун ухааны академийн захирал Х.Хатанбаатар хэлсэн юм.
Б.Буд
СЭТГЭГДЭЛ БИЧИХ