МАН-ын Бага хурал өнөөдөр Тусгаар тогтнолын ордонд 09  цагт эхэлнэ. Хуралдаан  МАН-ын дарга С.Батболд илтгэлээр эхлэх бөгөөд МАН-ын гишүүдийн Ёс зүйн дүрмийн төслийг хэлэлцүүлэх юм байна. Бага хурлаар хэлэлцэх  зохион байгуулалтын асуудал нэлээд анхаарал татаж байгаа. Үүгээр намын эмэгтэй нарийн бичгийн даргыг сонгоно. МөнНийгмийн ардчилал монголын эмэгтэйчүүдийн холбооны Удирдах зөвлөлөөс Бага хурлын гишүүнээр санал болгосон бүсгүйчүүдийг батлах юм байна. Үүнд Р.Будын охин Б.Анужин нэлээд дээгүүр бичигдсэн гэх мэдээлэл байна. Араас нь “Өглөөний сонин”-ы эрхлэгч Л.Нинжжамц, УИХ-ын дэд дарга Н.Энхболдын туслах байсан н.Гантөгс, “Үнэн” сонины орлогч эрхлэгч Т.Бүдээхүү, “Монполимет” компанийн захирал Ц.Гарамжав нар багтаж байгаа аж. Тэгэхээр энэ удаагийн  хурал эмэгтэйчүүд хүч түрэн орж ирж байгаагаараа онцлог болох юм байна. Харин сахилга хариуцлагын асуудал хэлэлцэхээр төлөвлөсөн ч сүүлийн үед анхаарал татаад байгаа Ерөнхий сайдыг огцруулах бичигт гарын үсэг зурсан намын гишүүд, аймгийн Засаг дарга нарыг хэлэлцэх эсэх нь хараахан тодорхойгүй байна. Түүнчлэн энэ асуудлыг хаалттай хэлэлцэнэ гэсэн мэдээлэл ч байна.