"Ази, Номхон далайн орнууд дээд боловсролын сургалт, диплом болон зэргийг харилцан зөвшөөрөх тухай бүс нутгийн конвенц"-ийн 15 дугаар хурал Япон улсын Токио хотноо 24-27-ны хооронд болжээ. Тус хурлыг ЮНЕСКО-гоос зохион байгуулсан аж. Хуралд Монгол Улсыг төлөөлөн Боловсрол, соёл шинжлэх ухааны яамны Төрийн нарийн бичгийн дарга Д.Далайжаргал, Мэргэжлийн боловсролын газрын мэргэжилтэн Х.Батсайхан нар оролцсон байна. УИХ-аар ЮНЕСКО-гийн конвенцид нэгдэх асуудлыг хэлэлцэж баталбал манай улс албан ёсоор уг конвенцид нэгдэн орсон улс болж Монголын дээд боловсролын дипломыг Ази, Номхон далайн бүс нутгийн улсууд хүлээн зөвшөөрөх юм байна.