“Нөхөн үржихүйн эрүүл мэнд” үндэсний V бага хурал “Чингис” зочид буудалд хоёр дахь өдрөө үргэлжилж байна. Эх, хүүхдийн эрүүл мэндийн талаар хөндөж буй эл хурлаар Мянганы хөгжлийн зорилтод дэвшүүлсэн эрүүл мэндийн асуудлууд хэрхэн хэрэгжиж буйг ярилцаж буй юм. Манай улсад жилдээ 80 мянга гаруй эмэгтэй хэвлийдээ хүүхэд тээдэг ч 12 мянга гаруй нь хүүхдээсээ татгалздаг тухай энэ үеэр хөндлөө. Уг нь Мянганы хөгжлийн зорилтыг дэлхий нийтээрээ хэрэгжүүлж чадвал 2015 он гэхэд 16 сая эх, хүүхдийн амийг аварч, 33 сая эмэгтэйн амнаас “Хүсээгүй” гэсэн үг унахыг болиулж, 120 сая хүүхдийг уушгины хатгалгаанаас сэргийлж чадна гэсэн тооцоо бий.