Дорнод аймгийн Засаг дарга хальтиргаа гулгаа ихтэй байгаагийн улмаас  мотоциклийн хөдөлгөөнийг хориглох шийдвэр гаргажээ. Тус аймагт цас их унаснаас шалтгаалж цасан бүрхүүл тогтож, хальтиргаа их үүссэн төдийгүй мотоциклоор зорчигчид осол гэмтэлд өртөх нь эрс ихэссэн байна. Түүнчлэн такси, тээврийн жолооч нар ямар ч бэлтгэлгүй хөдөө замд гарч цасанд боогдон суух болсон зэрэг хүчин зүйлсийг харгалзан үзээд дээрх шийдвэрийг гаргасан байна.