Та "Надад албан тушаал амласан бусад намын дарга нартаа баярлалаа" гэж МАН-ын батлахыг гардаж байхдаа хэлж байлаа. Энэ үгийг тайлбарлаач? -С.Батболд надад Ерөнхий сайдын хувьд зөвлөхөөр ажиллах санал тавьсан. Манай улсын эдийн засаг ойрын хоёр жилд өсөлттэй байхаар байгаа. Энэ өсөлт цаасан дээрх хиймэл өсөлт биш, долоон буудлыг Должин эмээгийнд хүрэх ёстой. Иргэд рүү хандах энэ бодлогыг хамт хийе гэсэн саналыг намуудаас тавьсан юм. Мөн МАН-д элсэх саналыг тавьсан. Бусад нь бүгд надад хадаг өгсөн. Тэдгээр дарга нар надад намын дэд дарга, нарийн бичгийн даргын суудал амлаж байсан. Ерөнхий сайдын эдийн засгийн зөвлөхөөр ажиллана гэдэг гүйцэтгэх засаглалын татварын бодлогод нэлээд оролцоно гэсэн үг байх. Үүнтэй холбоотойгоор таныг өмнө нь өөрөө 500 сая төгрөгийн татварын маргаанд хоёр шатны шүүхээр ялагдал хүлээж байсан хүн өөрөө ийм бодлого гаргах гээд явж байна гэж хүмүүс шүүмжилж байна? -Энэ бол 2005 оны процесс. Татварын системын дотор буруу үйл ажиллагаа явагдсан. Тухайн үед би, манай компани ганцаараа татвараа үнэн зөв төлдөг байсан. Тэр үед Гаалиас, Татвар руу тайлан өгдөг байсан. Энэ үед манайхтай ижил төстэй үйл ажиллагаа явуулдаг компаниуд манай компанийн кодыг ашигласан юм. Энэ бол цагаан захтнуудын хэрэг. Нэг л өдөр татварын байцаагч нар манай компани руу орж ирж энэ хэргийг үүсгэсэн. Энэ хэрэг эцэст нь бүх шатны хэргээр хэрэгсэхгүй болсон.