-Танд сул тал байна уу? Би өөрийнхөө бодлоор явдаг. Миний сул талыг нийгэм харж байгаа байх -Хэлсэндээ хүрч чаддаг уу? -Хүний алсын зорилго том. Хэтийн төлөвлөгөө гэж бий. Тэр төлөвлөгөө өөрчлөгдөх байж болно. Харин алсын хараа жудаг  хэвээр байх ёстой. Би ийм бодолтой. Цаг хугацааны эрхэнд нийгмээ дагаад төлөвлөгөө өөрчлөгдөх байж болно. Тэгэхээр нийгэмтэйгээ хэр хурдан зохицож амьдарч чаддаг байх хэрэгтэй. Таван жилийн өмнө тавьж байсан зорилгодоо хүрсэн. Таван жилийн өмнө газар нутгийн баялгийг хэн эзэмшиж байгаа, Эрдэнэт үйлдвэрийн ашгийг хэн хүртэ айсан тэр бүхэн ил боллоо. Ард түмэн баялгагтаа эзэн сууж эхэлж байна. Тэгэхээр бидний зорилго биелэсэн. Одоо би өөр зорилго тавьсан байгаа. Газрын хэвлийн баялгийн судсыг барьж засах нэг гарц байна. Төрийн нийтийн  хамааралтай өмчийн хуулийг гаргах хэрэгтэй. Энэ хууль байхгүй болохоор эрх мэдэлтнүүд илүү хүртээд байна. -Та таван жилийн өмнө их зөв явж байсан. Одоо энэ эрх мэдэлтнүүдийн дунд ороод заваан юм руу орох хэрэг байсан юм уу? -Машины дугуй хагарвал буугаад машинаа засдаг. Тэгэхээр засварчин хэрэгтэй болно. Би тэр засварчин нь болъё гэж байгаа юм. Би цэвэрхэн хүн гээд дүрмийн гадна амьдраад байвал нийгмийн болохгүй байгаа зүйлийг засч чадахгүй. Энэ ажилд иргэн бүр оролцдог байх ёстой.