-Таны хадгаламж  валютаар уу? -Төгрөгөөр, вальютаар аль аль нь -Яг хэдэн хувь нь? -Хувь хүний нууц. Хэлэх боломжгүй. -Та ямар албан тушаал сонирхоод байна вэ. Ерөнхий сайд уу, Ерөнхийлөгч үү? - Би гүйцэтгэх засаглалыг сонирхож байгаагүй. Би албан тушаалыг зорилгоо болгодоггүй.   -Та хүнсний аюулгүй байдлыг юу гэж боддог вэ. Хятадаас оруулдаг хүнсний бүтээгдэхүүнийг хориглосон хууль гаргаж болох уу? -Хөгжлийн шатаар болно. Монгол хүний ходоодод орж байгаа бүтээгдэхүүн нэг номер байх учиртай. Ингэж эрүүл хүнс хэрэглэхийн төлөө Мэргэжлийн газар ажиллаж байна. Энэ байгууллагыг ажлыг хийлгэх хэрэгтэй. Ер нь бол иргэн бүр өөртөө хяналтын байцаагч байх хэрэгтэй. -Өнөөдөр МАН-д хамгийн нөлөөтэй, хүн хэн бэ, таны бодлоор? -С.Баяр  дарга байна. Алсыг хардаг, зангидаж ажиллаж чаддаг улстөрч олон болоосой гэж би бодож байна. -Шууд чатад оролцсонд баярлалаа. Уншигчдын асуусан асуултад эргэлзэлгүй хариулсанд баярлалаа. -Цаг хугацаа гэдэг бүх юмны шалгуур . Шууд сайтаар интернэтээр харьцаж байгаад баярлаж байна. Иргэн хүний мэдээлэл олж авах эрхийг олгож байгаа юм байна. Монголын түүхийг хамтдаа бүтээж хамт амьдарч байгаа хүмүүс. Бид гудамжинд тэмцэж байхад  хамгийн их хамгаалдаг хүн нь хэвлэлийнхэн. Иргэн хүнийг хамгаалдаг зарчимдаа үнэнч байгаарай гэж хэвлэлийнхэндээ хэлье. Монгол Улсаа сайхан болгохын төлөө хүн бүр хичээх хэрэгтэй. Нэг хэсэг нь суугаад нэг хэсэг нь хийдэг  байж болохгүй.