Өмнөд Солонгосын цагдаагийн ажилтнууд Сөүл хотын цогцос шатаах газрын 6 ажилтныг баривчилсан тухай Солонгосын хэвлэлүүд мэдээлж байна. Цагдаагийнхан тэднийг цогцоснуудын алтан шүдийг хулгайлдаг гэж сэжиглэж байгаа юм. Цагдаагийн мөрдөн байцаалтаар иргэн Ли 2006 оноос хойш шатаах зууханд үлдсэн алтыг зарж борлуулснаар 20 сая воны ашиг олсон гэж тогтоожээ. Үлдсэн 5 хүн нь нийтдээ 14 сая воны үнэтэй “бүрлээчдийн” алтан эдлэлийг хулгайлан авчээ. Энэ тухай Agence France-Presse агентлаг мэдээлж байна. Цагдаагийн төлөөлөгч “Шатаах зууханд хайлж үлдсэн алтаар дахин алтан эдлэл хийдэг байна. Хуулинд цогцосноос үлдсэн алтыг хэрхэх тухай тодорхой заалт байдаггүй. Гэхдээ дур мэдэн алт түүх нь гэмт хэрэг” гэж мэдэгдсэн байна. Дахин ийм үйл явдал гаргуулахгүйн тулд Сөүлийн цагдаагийн газар орон нутгийн удирдлагад сайн хууль боловсруулах санал тавьжээ. MglRadio.com