Төсвийн хөрөнгийг зориулалтын бусаар зарцуулж, улсад 1 931 519 500 төгрөгийн буюу онц их хэмжээний хохирлыг улсад учруулсан хэмээн “Цэвэр агаар сан”-ийн экс захирал Н.Хүрэлсүх нарын 10 хүнд холбогдох хэргийн шүүх хурал өнөөдөр Баянзүрх дүүргийн шүүхэд болж байна.

da

Хэргийн талаар эргэн сануулахад, шүүгдэгч нар “Цэвэр агаар сан”-ийн хөрөнгөнөөс 2012 онд 116.000.000 төгрөгийг сургалт зохион байгуулах нэрээр “Хорчихуйн булаг” ХХК-ийн дансаар , 21.440.000 төгрөгийг ажлын хөлс нэрээр “Орхон сайхан булаг” ХХК-ийн дансаар, 1.454. 079. 500 төгрөгийг түлш нийлүүлэх гэрээ нэрээр “Тара” ХХК-ийн дансаар, 100 000 000 төгрөгийг зар сурталчилгаа нэрээр “ДЗТМ“ ХХК-ийн дансаар, 2011 онд  240 000 000 төгрөгийг түлш нийлүүлэх гэрээ нэрээр “Шар голын дулаан” ХХК-ний дансаар гаргаж төсвийн хөрөнгийг зориулалтын бусаар зарцуулж , 1 931 519 500 төгрөгийн буюу онц их хэмжээний хохирлыг улсад учруулсан юм.

 s

Нийслэлийн прокурорын газраас  Н.Хүрэлсүх, М.Хулан, Х.Болдмаа, Д.Цэцэгээ,  Б.Чимид-Эрдэнэ, Ж.Сүрэн, М.Алтанбагана, Б.Даваабаатар,  Т.Мөнхчулуун, Б.Алтантуяа нарт ЭХ-ийн ТА-ийн  272.2,  150.3,  233.2,  269.1,  270.1 268.2 -т заасны дагуу тус тус яллах дүгнэлт үйлдсэн билээ. Өнөөдөр 10 цагт  уг хэрэгт нэр холбогдсон дээрх хүмүүсийн гэм буруутай эсэхийг шүүх хурал эхэлсэн аж.

 ds

П.Наран