Уран нугараач Э.Цацрал Алтан гадас одон хүртлээ
Уран нугаралтын нэгэн төрөл болох шүдэн дээрээ хамгийн удаан жингээ авч тогтох үзүүлбэрээрээ дэлхийн гиннесийн амжилтыг шинэчлэн тогтоосон уран нугараач Э.Цацрал Алтан гадас одон хүртлээ.
Тэрбээр өнгөрөгч оны долоодугаар сарын 27-нд Туркийн Станбул хотод болсон гиннесийн дээд амжилтыг бүртгэх “Guinnes world records” нэвтрүүлэгт оролцон шүдэн дээрээ дөрвөн минут 17 секунд тогтож дэлхийн дээд амжилтыг шинэчлэн тогтоосон билээ. Одоогоор Итали улсын үндэсний цирк болох “Darix togni” цирктэй гэрээ байгуулан ажиллаж байгаа юм. Мөн олон улсын чанартай уралдаан тэмцээнүүдэд амжилттай оролцож байжээ.
Энэ мэтчилэн амжилт гаргаж, Монголын соёл, урлагийн хөгжлийг олон улсад таниулахад түлхэц өгөх уг үйл хэрэгт дэмжлэг үзүүлсэн Э.Цацралыг Монгол Улсын Ерөнхийлөгчийн 2013 оны 12 дугаар сарын 25-ны өдрийн, 201 дүгээр тушаалаар Алтан гадас одонгоор шагнасныг ССАЖЯамны Төрийн нарийн бичгийн дарга П.Алтангэрэл гардуулан өгчээ.
Б.Буд
СЭТГЭГДЭЛ БИЧИХ