44 насандаа  анх удаа аав болсон дуучин Ф.Киркоров саяхан охинтой болсон. Тэрээр ам нээх бүртээ л  охиныхоо тухай ярьж, аав хүний аз жаргалыг мэдэрч байгаа гэнэ. “Би хүүхэдтэй болсон гэдэгтээ одоо хэр нь итгэхгүй, тэгж их догдолж байна. Ямар нэгэн муу зүйл болохоос болгоомжлон би хүүхэдтэй болж байгаа тухайгаа ойр дотнынхноосоо өөр хүнд мэдэгдэхийг хүсээгүй юм” хэмээн ярьсан Ф.Киркоров охиндоо зориулан таван сая ам.доллараар Америкийн Майямид  харш худалдан авсан гэнэ. Харин тэрбээр  охиныхоо ээжийн тухай ам нээгээгүй ч шаргал үстэй, орос гаралтай америк эмэгтэй байдаг гэж хойд хөршийн хэвлэлүүдэд мэдээлжээ.