XXII удаагийн “Сочи”-гийн өвлийн олимпийн нээлтийн ажиллагааны үеэр техникийн саатлаас болж олимпийн бэлэгдэл таван цагирагийн нэг нь дэлгэгдээгүй юм. “Тус ажлыг хариуцаж байсан техникч Борис Авдеевыг бусдад хорлогдож, амин тус газраа 7-8 удаа хутгалуулсан учир нэг цагираг нээгдээгүй”  гэх мэдээлэл хэвлэл мэдээллийн хэрэгслүүдээр тарсан билээ. Бодит байдал дээр Борис Авдеев хүчдэлд цохиулсаны улмаас сүүлийн цагираг дэлгэгдээгүй аж.

Оросын төв мэдээллийн “1nsk.ru” сайт техникчийг бусдын гарт амиа алдсан гэх мэдээллийг үгүйсгэсэн байна. Энэхүү аймшигт мэдээ цацагдах болсон гол шалтгаан нь 2014 оны хоёрдугаар сарын 8-нд “The Daily Currant” шар сонины эхний нүүрэнд "“Сочи”-гийн өвлийн олимпийн таван цагирагийн нэг нь нээгдээгүй учир тайлагдлаа. Таван цагирагийн бүрэн байдлыг хариуцаж байсан Борис Авдеев бусдын гарт амиа алджээ" хэмээн  бичжээ.

Ийнхүү АНУ-ын нэр хүнд бүхий “The Daily Currant” сонин алдаа гаргасан юм. Тус сонин анх үүсгэн байгууллагдахдаа итгэмээргүй, бусдаас содон, баталгаагүй мэдээлэл цацах зэргээр бусдаас ялгардаг сонин аж. Тус сонин 2008 оны Бээжингийн олимпийн тухай мөн худал мэдээлж, Шинжаан Уйгар эмэгтэй “Шувууны үүр” цэнгэлдэх хүрээлэнгийн өмнө бөмбөг дэлбэлсэн гэх хуурамч мэдээлэл цацаж байсан гэнэ.

“Сочи”-гийн олимпийн зохион байгуулагчид “The Daily Currant” сонинд “Баталгаагүй мэдээлэл гарахгүй байхыг хүсч, Орос улсыг хүндэтгэхийг хүссэн” байна.  Тус мэдэгдлийн дараа “The Daily Currant” сонины редакци худал мэдээлэл цацсаныхаа төлөө уучлалт гуйжээ.

5

Б.Дэлгэрцэцэг