ШӨХТГ-аас өнгөрөгч оны 11 дүгээр сард “Миний дэлгүүр”–nйн зарим салбаруудад шалгалт хийхэд өмнө гаргасан зөрчлөө арилгаагүй, янз бүрийн шимтгэл нэрийн доор бараа бүтээгдэхүүнээс хувь тооцож авдаг нь тогтоогдсон учир тус сүлжээ дэлгүүрийг 450 сая төгрөгөөр торгосон тухай мэдээлэл хийсэн.

Харин “Миний дэлгүүр” сүлжээ компанийн гүйцэтгэх захирал Х.Ариунболд 450 сая төгрөгийн торгуулийг эсэргүүцэж буйгаа илэрхийлж байсан. Тэгвэл “Миний дэлгүүр” сүлжээ компани ШӨХТГ-ыг шүүхэд өгсөн байна.

Түүнчлэн дээрх торгуулийн асуудлаас болж ШӨХТГ-ын дарга О.Магнайг 991120... утаснаас залгаж “ална” гэж сүрдүүлсэн “Миний дэлгүүр” сүлжээ компанийн гүйцэтгэх захирал Х.Ариунболдыг Чингэлтэй дүүргийн шүүхэд өгсөн байсан боловч өргөдлөө буцааж авсан. Гэхдээ энэ нь нөгөө талтай зөвшилцөж буй явдал биш гэдгийг О.Магнай хэлсэн.

Б.Буд