Кубын хувьсгалын лидер хэмээгддэг 87 настай Фидель Кастрогийн зургийг тус улсын засаг захиргааны зүгээс фотошопоор янзлуулсан тухай “www.dailymail.co.uk” мэдээллээ.

Фидель Кастрогийн Эквадорын Ерөнхийлөгч Рафаэль Корреатай хийсэн уулзалтын зургийг Ф.Кастрогийн том хүү Алекс Кастро авчээ. Харин “AP” агентлагийн албаны хүмүүс Кастрогийн зүүж байсан сонсголын аппаратыг зургаас арилгасныг анзаарч, уг зургийг илгээсэн фото зургийн “Estudios Revolucion” агентлагт мэдэгдсэн байна.

 Тус агентлагаас “Фидель Кастрогийн зургийг сүүлийн хэдэн жилийн турш түүний хүү нь авч байгаа бөгөөд өөрчлөлт хийх тохиолдол Алекс Кастрогоос зөвшөөрөл авдаг байсан. Харин энэ удаагийн зураг бидний мэдэх асуудал биш” гэсэн хариуг өгчээ.

Үүнээс өмнө Фидель Кастрог Аргентиний Ерөнхийлөгч Кристина Киршнертэй уулзаж байх үеийн зургаас мөн л сонсголын аппаратыг нь арилгасан тохиолдол гарч байжээ.

Б.Дэлгэрцэцэг