Ардчилсан намын дэргэдэх Ардчилсан Залуучуудын Холбооны   Удирдлагын зөвлөлийн хуралд  АН-ын дарга Н.Алтанхуяг, АН-ын Ерөнхий нарийн бичгийн дарга Д.Эрдэнэбат нар урилгаар оролцож байсан. Тэгвэл өчигдөр болсон хуралд Нийслэлийн АН-ын дарга Ш.Түвдэндорж урилгаар оролцож, АЗХ-ны Удирдлагын зөвлөлийн гишүүдтэй Нийслэлийн АН-ын бодлого, үйл ажиллагааны талаар харилцан санал солилцож, уулзаж ярилцжээ. Уулзалтын үеэр Нийслэлийн АН-ын дарга Ш.Түвдэндорж Нийслэлийн Ардчилсан намаас залуучуудын талаар баримтлах бодлого, зорилтын талаар мэдээлэл хийж,  АЗХ-ны бодлого, үйл ажиллагааг бүхий л талаар дэмжин ажиллахаа амалсан юм. Мөн 2012 оны орон нутгийн сонгуульд залуучуудын оролцоог нэмэгдүүлэх болон намын боловсон хүчний бодлогын чиглэлээр намынхаа залуучуудын байгууллагатай хамтран ажиллахаар болсон байна.