Франц улсын нийслэл Парис хотод  зохиогдсон “Парисын их дуулга” тэмцээнд амжилттай оролцсон Монголын Жүдогийн шигшээ багийнхан өнгөрөгч амралтын өдрүүдэд болсон Европын нээлттэй тэмцээнүүдэд мөн хүчтэй өрсөлдсөн байна.

Эмэгтэй шигшээ багийнхан Италийн Ром хотноо болсон эмэгтэй жүдочдын Европийн нээлттэй тэмцээний 52 кг-ийн жинд хүч үзсэн МУГТ М.Уранцэцэг, 57-кг-д барилдсан ОУХМ Д.Сумъяа нар тус бүр жингийн ангилалдаа хүрэл медаль хүртжээ. Энэхүү тэмцээнд 33 орны 159 тамирчин өрсөлдсөн ба манай зургаан жүдоч барилдаж 48 кг-ын жинд ОУХМ Г.Отгонцэцэг, 52 кг-ын жинд Ч.Аззаяа, 63 кг-ын жинд Б.Мөнгөнчимэг нар тавдугаар байрт шалгарчээ.

Түүнчлэн Австри улсын Оберварт хотноо болсон эрэгтэйчүүдийн Европийн нээлттэй тэмцээнд манай баг тамирчид оролцож  А.Батсуурь, Г.Одбаяр нар мөнгөн медаль хүртсэн байна.

Б.Буд