Их Британид бороо үргэлжлэн орж, салхи хүчтэй шуурч байгаагийн улмаас олон мянган айлын гэрэл, дулаан тасарсан тухай “ВВС” агентлаг мэдээллээ.

Мөн Английн бахархал “Темза” мөрөн эргээсээ хальж, асар их хохирол учруулсаар байгаа юм.

Өчигдрөөс эхлэн үерээс хамгаалах ажилд сайн дурынхан болон цэргийнхнийг дайчилж эхэлжээ. Угсаа залгамжлах ханхүү Уильям, Харри нар сайн дураараа байгалийн гамшгийн эсрэг тэмцэж, үерийн улмаас хохирсон иргэдэд сэтгэл санааны дэмжлэг үзүүлж эхэлжээ. Уильям, Харри нар өнөөдрөөс эхлэн “Темза” мөрний эрэг орчмоор элстэй шуудайгаар хамгаалалтын далан босгоход гар бие оролцож эхэлсэн аж.

Аврах багийхан “Ханхүү нар яг л аврагчид шиг цаг наргүй хөдөлмөрлөж байгаад санаа зовж байгаа. Өчигдөр л гэхэд Харри баруун хөлөө гэмтээсэн ч гэсэн ажлаа үргэлжлүүлэн хийсээр байна. Бид ажлаа дуусгасаны дараа хамтдаа халуун кофе ууж суух тэр мөчид  тэднийг эх орондоо ямар их хайртайг” мэдсэн хэмээн сэтгүүлчдэд ярьжээ.

Хатан хаан II Элизабета болон гүнгийн ахайтан Кейт Миддилтон нар үерт өртсөн фермерүүдэд хоол хүнс болон бусад эд материалын тусламж үзүүлсээр байгаа юм.

Б.Дэлгэрцэцэг