НҮБ-аас жилийн турш хийсэн ажиглалтдаа дүгнэлт хийж, Хойд Солонгост шаардлага хүргүүлсэн тухай  “ВВС” агентлаг мэдээллээ.  НҮБ-ын Хүний эрхийн зөвлөлөөс Хойд Солонгос улсад хүний эрхийн асуудал онц ноцтой хэмжээнд хүрч байгааг анхааруулжээ.

Шаардлагад аллага, хүний наймаа, боолчлол, эрүү шүүлт, улс төрийн хэлмэгдүүлэлт, гутаан доромжлол, бусад төрлийн гэмт хэргийн маш олон баримтыг хавсаргасан гэж албаны эх сурвалж мэдээлжээ. Мөн НҮБ-аас зарим хэргийг олон улсын шүүхээр шийдвэрлэх ёстой гэж үзсэн аж. Тус баримтад дөнгөж амаржсан эмэгтэй өөрийн хүүхдийг живүүлэхээс өөр аргагүй болсон, дөнгөж төрсөн хүүхдүүд шоронд өлсгөлөнгөөс болж нас барж байгаа, гадаадын савангийн дуурь үзсэнээсээ болж гэр бүлээрээ харгислал амссан тухай олон материалыг багтжээ.

Эдгээрээс үндэсний хэмжээнд терроризмын бодлого хэрэгжүүлж байгааг нь НҮБ голлон буруутгасан байна. Мөн олон мянган хоригдол Хойд Солонгост нохойноос дор амьдарч байгааг буруутгажээ.

Б.Дэлгэрцэцэг