“Сочи”-гийн өвлийн олимп эхлэхээс өмнө өршөөлийн хуулиар суллагдаад байсан  Оросын “Pussy Riot” панк стилийн хамтлагийн хоёр гишүүнийг мягмар гарагт шалтгаангүйгээр баривчилжээ. Хамтлагийн гишүүдийг цагдаагийнханд баригдсан тухай “CNN” агентлагт нэгнийх нь нөхөр мэдээллэсэн байна. Түүний хэлсэнээр “Хамтлагийн гишүүдийг далайн боомтын ойролцоо сэтгүүлчидтэй уулзаж байхад нь цагдаа нар баривчилсан. Тэд ямар ч тайлбар хийгээгүй. Шууд л баривчилсан. Цагдаа нар тэдэнд хандаж “та нар бас л Путинтай дайсагнахыг хүсээд байна уу” гээд л машинд суулгасан. Одоо хүртэл ямар ч чимээ алга” гэжээ.

Нэг сарын өмнө өршөөлийн хуулиар суллагдсан хамтлагийн гишүүн Алёхина “Twitter” хуудаснаа “Цагдаа нар тэднийг гэмт хэрэг үйлдсэн гэж буруутгасан тэгээд л машинд хүчээр суулгасан” хэмээн  жиргэжээ. Хамтлагийнхан олимпийн хаалтын үеэр “Фишт” цэнгэлдэх хүрээлэнгийн өмнө “Путинд эх орноо хэрхэн хайрлахыг заана” нэртэй дууг англиар дуулахаар төлөвлөөд байсан гэж “Pussy Riot”-ийн дэмжигчид хэвлэлийнхэнд ярьсан байна.

Б.Дэлгэрцэцэг