АНУ-ын иргэн Жон Мартин Кийнийг хөнөөсөн хэргийг үйлдсэн хэмээх Ч.Баттуулын давж заалдах шатны шүүх хурал Эрүүгийн хэргийн давж заалдах шатны 10 дугаар шүүхэд өнөөдөр болно. Түүнд анхан шатны шүүхээс 23 жилийн ял оноосон билээ. Ч.Баттуул нь 2012 оны нэгдүгээр сард  америкийн иргэн Жон Мартинийг зургаан удаа буудаж хөнөөсөн гэх хэрэгт буруутгагдан ийнхүү шүүхээс ял сонсоод байгаа юм.  Тэрээр Тайваний технологийн их сургуульд сурч байхадаа багш Жон Мартин Кийнд “Шүрэн гүүр” хэмээн зочид буудал барих төлөвлөгөө үзүүлж, түүнийг Монголд ирж хамтран ажиллах санал тавьснаар хэрэг эхэлсэн гэдэг юм. Харин тэрээр уг хэргийг үйлдээгүй бусдын дарамтад орж энэ хэргийг хүлээсэн хэмээгээд байгаа билээ.

5

Д.Цэцэг