Монгол Улсаас 1993-2010 оны хооронд сэргээн засварлах, үзэсгэлэнд гаргах нэрээр Герман, Итали зэрэг гадаад орнуудад гараад буцаж, ирээгүй байсан археологи, палеонтологийн үнэт өвүүдийг эх орондоо буцаан авчирчээ.

Тодруулбал, Европын орнуудад 1993 онд үзэсгэлэн нэрээр гарсан палеонтологийн олдворууд, 1992 онд ХБНГУ-ын Боннын их сургуульд явуулсан хосгүй үнэт дурсгал болох үйсэн дээр монгол үсгээр бичсэн хууль болон бусад дурсгал, 2008 онд ХБНГУ-д явуулсан археологийн үнэт олдвор зэрэг түүх соёлын үнэт дурсгалууд эх орондоо ирсэн байна.

Соёлын өвийн хууль бус эргэлттэй тэмцэх, урьдчилан сэргийлэх ажлын хүрээнд ЦЕГ-ын Зохион байгуулалттай гэмт хэрэгтэй тэмцэх газрын Эрүүгийн цагдаагийн газар, ССАЖЯ, Гаалийн ерөнхий газар хамтран ажилладаг.

5

Б.Буд