Хойд Солонгосын удирдагч Ким Чен Уны эхнэр Ли Соль Чу дахин бие давхар болсон гэж Өмнөд Солонгосын төрийн мэдлийн “Yonhapnews.co.kr” агентлаг мэдээллээ. Сечжон хүрээлэнгийн “Чхун Сун Чан” гэх сонинд “Хойд Солонгосын  албан ёсны хэвлэл “Rodong Sinmun” сонины эхний нүүрэнд Ким Чен Ун болон Ли Соль Чуны зураг нийтлэгдсэн аж. Энэхүү зурагнаас тэргүүн хатагтай нэлээн жин нэмсэн нь харагдаж байгаа” гэж мэдээлжээ.

Эх сурвалжийн хэлснээр “Ли Соль Чугийн хувцасны өнгө болон загвар өмнө нь түүний хөл хүндтэй байхдаа өмсөж байсан хувцсыг санагдуулахаар. Мөн Ли Соль Чу гадуур болон хүлээн авалтад оролцохдоо хоёр эмчтэй хамт явах болсон” хэмээсэн байна.

2010 онд Ли Соль анхныхаа хүүхдийг төрүүлж байсан юм. Түүнийг охинтой гэдгийг сагсчин Деннис Родман өнгөрсөн онд “CNN” агентлагт ярилцлага өгөх үеэрээ баталж байжээ. Тэрбээр “Ким Чен Ун охиндоо маш их хайртай. Жу Ай охин нь ээж шигээ ер бусын үзэсгэлэнтэй” хэмээн ярьж байсан юм.

Б.Дэлгэрцэцэг