“Сочи”-гийн өвлийн олимпид тодоос тод гэрэлтсэн ганц од бол Солонгос гаралтай ОХУ-ын иргэн шорт трекийн тамирчин Виктор Ан байсан юм. Тэрбээр энэ удаагийн өвлийн олимпиос гурван алт, нэг хүрэл медаль хүртэж, спорт сонирхогчдыг байлдан дагуулсан гэж болохоор. Өнгөрсөн 24-ны өдөр Виктор Ан, Ерөнхийлөгч Путины гараас эх орныхоо төлөө гавъяа байгуулсан баатруудад гардуулдаг “IV зэргийн одон” гардан авсан. Энэ үеэр олимпийн аваргаас оросын “trud.ru” сайт сонирхолтой ярилцлага авчээ.

-Хэдхэн сарын өмнө таны нэрийг Орос даяар цөөхөн хүн л мэддэг байлаа. Харин одоо миний урд суусан бор шаргал үстэй, нүдээрээ инээсэн залууг дэлхий даяар ОХУ-ын шинэ баатар хэмээн таних болж. Яаж ийм зүйл болчих воо?

-Тийм ээ. Их дарамтыг давж гарсандаа баярлаж байна. Хамгийн гол нь амжилтад хүрч, эх орныхоо мөсөн дэвжээнд хаан нь байсанд баярлаж байна. Тэмцээнд орохоосоо өмнө байнга нэг зүйлийг боддог байсан. “Өмнөд Солонгосын баг тамирчдын урд уначих вий дээ” гэсэн бодол ч юм уу хий төсөөлөл ч юм уу нэг зүйл  галзууруулах шахдаг байсан. Дараа бодох нээ, их жоохон хүүхэд шиг юм бодож байснаа ухаарсан. Заавал ялах ёстой хүсэл, заримдаа хүмүүсийг галзууруулдаг.

5

-Би ч гэсэн тэр үед тэгэж л бодох байсан. Нэг бол тэмцээнээ орхиод зугтааж ч мэдэх байх.  Шинэ эх орондоо дассан бололтой?

-Тэгэлгүй яахав. Хүнд хоёр дахь боломж тэр болгон олддоггүй. Азтай нь надад хоёр дахь боломж олдсон.

5

-Таны техник ур чадвар үнэхээр гайхалтай. Та хаанаас энэ техникийн ур чадвараа олж авсан юм бэ?

-Баярлалаа. Би зургаан настайгаасаа хойш хөлбөмбөгөөр хичээллэсэн. Миний хобби гэж болно. Харин дунд ангид орсоныхоо дараа сагсан бөмбөгөөр хичээллэж эхэлсэн. Нэг удаа дасгалжуулагч маань намайг өрөөндөө дуудаад миний уралдаж буй бичлэгийг үзүүлсэн. Дасгалжуулагч чиний хөдөлгөөн чинь их өвөрмөц юм гэж хэлсэн. Тэгэж хэлсэний дараа өөрийнхөө бичлэгийг харахад багаасаа уйгагүй хичээллэж, сүүлдээ хоббигоо болгосон хөлбөмбөг, сагсан бөмбөгийн техник минь биед минь ууссан байхыг харсан. Уучлаарай өөрийгөө магтаж байгаа юм шиг санагдчихлаа. /Инээв/.

5

-Мэдээж энэ удаагийн олимпоор анх удаагаа ОХУ-ын баг тамирчидтай нэг галт тогоонд байсан. Нэг зүйлийг асуухад таныг Оростой зохицоход нэлээдгүй хугацааг зориулсан гэж байсан?

-Гайхалтай. Тэгэхдээ би ОХУ-ын иргэншилтэй Солонгос хүн шүү дээ. Миний бие болон сэтгэл санааны байдал Москва хотын цаг агаартай тохирохгүй, заримдаа хоол тохирохгүй үе зөндөө тохиолддог. Тэгэхдээ тэмцээнд орохоос өмнө хаанаас ч юм бэ солонгос хоол гарч ирдэг байсан. Би гайхаад л байдаг байсан ч санаа зовоод асууж чаддаггүй байсан. Дараа нэг өдөр дасгалжуулагчаасаа хаанаас энэ бүх солонгос хоол гарч ирээд байгаа талаар асуухад “Ерөнхийлөгч чамайг сайн халамжлаарай гэсэн” гэж хариулсан. /Инээв/.

5

-Хөөх. Тийм гэж үү. Гайхалтай, Ерөнхийлөгч Путин таныг олимпийн аварга болно гэдгийг тань мэдээд л. Хоол таалагдсан уу?

-Хоол таалагдсан. Хамгийн гол нь Ерөнхийлөгч ч гэсэн тамирчин хүн учраас бидний бэрхшээлийг олж харсан байх. Тэгээд л бага ч гэсэн тусламж үзүүлэхийг хүссэн байх.

5

-Энэ зүйлийн талаар асууж байгаад уучлаарай. ОХУ-ын нэр дор ялалтын төлөө уралдаж байхад танд ямар санагдаж байсан вэ?

-Энэ бүхэн миний үүрэг байсан. Би энэ зүйлийг мэдээж хүсээгүй. Өмнөд Солонгос улсынхаа нэрийн өмнөөс амжилт гаргаж, дараа нь дасгалжуулагч болохыг хүсч мөрөөддөг байсан. Би тийм ч их зүйл хүсээгүй шүү дээ.

6

-Яагаад заавал Орос гэж?

-2008 онд шигшээ багтаа бэлтгэл хийж байхдаа хүнд гэмтэл авч улмаар 2010 оныг хүртэл нэг ч тэмцээн уралдаанд оролцолгүй өнжсөн. 2010 онд их спортдоо эргэн ирж улсын аваргадаа амжилтгүй оролцсон намайг зодгоо тайлах хэрэгтэй гэж зөвлөх, гутаах хүмүүстэй цөөнгүй л таарж байлаа. Ингээд урвалт гэхээс илүүтэй их спортынхоо төлөө нэг том алхмыг хийхийн тулд ОХУ-ын иргэншилтэй болсон. 2011 онд Ерөнхийлөгч Путин энэ саналыг хүлээн авснаар би эргэлт буцалтгүй орос орныг сонгон нэрээ өөрийн шүтэж бахархдаг алдарт дуучин Виктор Цойтой холбон Виктор Ан гэх цоо шинэ нэрийг иргэний үнэмлэх дээрээ бичүүлсэн дээ.

6

-Тэр үед Өмнөд Солонгосын хэвлэлүүд “урвагч” хэмээн бичиж байсан. Энэ бүхэн дарамт болоогүй биздээ?

-Яг хэн нь урвасан бол доо, бас л сонирхолтой.

5

-Өнөөдрөөс өнгөрсөнийг эргэж харахад гомдлоос үүссэн ялалт гэмээр ч юм уу?

-Тиймээ. Би эр хүн ч гэсэн уйлах үе зөндөө байсан. Нулимсыг минь арчсан ганц улс бол Орос улс минь.

6

-Энэ гайхалтай карьерээ дуусгасны дараа юу хийх гэж байна даа. Ирээдүйн төлөвлөгөө?

-Тийм ээ, энэ тухай бодохоор надад үнэхээр сайхан санагдаж байгаа. Үндэсний шигшээ багтаа үлдэж, дасгалжуулагчаар ажиллах болно.

6

-Орос хэлэндээ их сайн болжээ. Тантай анх уулзаж байхад орчуулагчтай хамт явдаг байсан?

-Би Орос хүн. Миний амьдрал орос хэлгүйгээр цааш үргэлжлэхгүй шүү дээ.

6

-Хувийн нууцад халдаж байгаад уучлаарай. Энэ асуултыг олон охид асуугаарай гэсэн юм. Та гэрлэсэн үү?

-Тиймээ. Хуримаа хийсэн.

6

-Орос, Солонгос?

-Яг над шиг иргэншлээ сольсон.

6

Б.Дэлгэрцэцэг