Хятадын Жилин мужийн эрх баригчид Коко Кола компанийн йогуртнаас 11 настай хүү хордож амиа алдсан тухай мэдээлжээ. Pulpy Milky хэмээх Кока Колагийн жороор үйлдвэрлэдэг йогуртнаас хордсоноос болж гурван ч хүний биеийн байдал одоогоор хүнд байгаа гэнэ. Лабораторийн мэргэжилтнүүд Pulpy Milky-г шинжилж үзэхэд хадгалах хугацааг нь уртасгах зориулалтаар хортон амьтдын эсрэг хэрэглэдэг бэлдмэлийг йогуртны найрлагад их хэмжээгээр оролцуулж үйлдвэрлэсэн нь тодорхой болжээ. Үйлдвэрийн эзэд болон холбогдох хүмүүсийг баривчилж хорьсон бөгөөд энэ төрлийн бүтээгдэхүүнүүдийг мужийн хэмжээнд нэн даруй устгалд оруулжээ. Амиа алдсан хүү өнгөрсөн арваннэгдүгээр сарын 28-нд гэрийнхээ дэргэдэх дэлгүүрээс гүзээлзгэний амттай йогурт авч уусан бөгөөд хэсэг хугацааны дараа хордож улмаар яаралтай эмнэлэгт хүргэсэн боловч тус болоогүй гэнэ. Энэ явдлаас долоо хоногийн өмнө нэгэн охин йогуртнаас хордсон тохиолдол гарч байсан ч эмчлүүлж илааршсан учир тэгсгээд өнгөрсөн ажээ. Зурган дээрхтэй төстэй юу нь мэдэгдэхгүй ханзаар бичигдсэн шошготой бүтээгдэхүүнүүд манай улсад ч зарагдаж байж болзошгүй юм.  Тиймээс хүүхэд багачууддаа хятад бичигтэй йогурт, ундааг уулгахаас болгоомжилно уу.