Өчигдөр болсон 86 дахь “Оскар”-ын шагнал гардуулах ёслолоос “12 жилийн боолчлол” уран сайхны киногоороо залуу жүжигчин Лупита Нионго туслах эмэгтэй жүжигчний шагнал хүртсэн юм. Лупита Нионгогоос “www.grouchoreviews.com” сайт сонирхолтой ярицлага авчээ.

4

-Танд  баяр хүргье. Шилдэг туслах эмэгтэй дүрийн шагнал хүртлээ шүү дээ?

-Маш их баярлалаа. Өнөөдөр миний амьдралд тохиолдсон хамгийн гайхалтай мөч гэж болно. Би кино урлагт тасралтгүй 11 жил хөдөлмөрлөхдөө ингэж их баярлаж үзсэнгүй. Үнэхээр гайхалтай. Энэ нэр хүндтэй шагналын эзэн болгосон “12 жилийн боолчлол” уран сайхны киноны хамт олонд талархсанаа илэрхийлж байна.

6

-Таныг маш их хөдөлмөрч нэгэн гэж Холливуудыхан ам уралдан хэлдэг. Та хэзээ ч зураг авалт болон хэн нэгнийг гомдоож үзээгүй учир найруулагч нар ганцхан таныг л уран бүтээлдээ тоглуулахыг хичээдэг. Мөн та маш сайн жүжиглэдэг. Та үргэлж инээмсэглэдэг учир хамтран тоглогч нартаа үргэлж дулаахан энерги өгдөг гэж сонссон юм?

-Энэ бүхнийг сонсоод “Оскар” авсанаас илүү баярлаж байна. Тэгэхдээ энэ бүхнийг хэн хэлсэн гэдэг нь надад сонин биш ч гэлээ, үнэхээр сайхан байна. Ээ бурхан минь нулимс яг урсах гээд байна. Хүн хөдөлмөр хоёр яг л ээж хүүхэд хоёр шиг нэг нэгнээ мэдэрдэг байх хэрэгтэй. Хэрвээ та чадваргүй бол хөдөлмөрлөхөд л хангалттай. Хөдөлмөр тань дэндүү их хөдөлмөрлөсний эцэст үр дүнгээ өгөх болно. Би энэ л дүрмээр өдийг хүрсэн. Өнөөдөр миний урд болон хойно, хажууд гээд л урлагийн бурхад, амьд домгууд тойрон хүрээлж байсан шүү дээ. Харин би тэдний дунд суух эрхтэй болсон ганц зүйл минь хөдөлмөр.

5

-Маш сайхан хариулт байна. Мэдээж өнөөдрийн аз жаргалыг бэлэглэсэн уран бүтээлчдийнхээ тухай?

-Өнөөдөр болж буй “Оскар”-ын наадмын хамгийн онцлох уран бүтээлчид “12 жилийн боолчлол” уран сайхны кино багийнхан байсан. Бид 45 хоног нэг нэгнээсээ таван минут ч холдоогүй энэхүү уран бүтээлд зүрх сэтгэлээ худалдсан. Манай киноны продюссер Брэд Питт энэхүү уран бүтээлд сүнс, амь амьдралаа зориулсан. Тэр бол миний баатар. Би үхэх өдөр хүртлээ Брэд Питт гэх амьд бурхныг шүтэх болно. Харин найруулагч Стив Маккүйн би танд хайртай. Намайг энэ бүтээлдээ тоглуулах болсон танд баярлалаа. Сүүлд нь “12 жилийн боолчлол” бүтээлд хамтран ажилласан бүх уран бүтээлч нарт баярлалаа.

5

-Хоёулаа киноны тухай бага зэрэг ярилцъя?

-“12 жилийн боолчлол” гэх нэрийг сонсохоор танд юу бодогдож байна. Би энэхүү уран бүтээлд тоглох санал хүлээн авсаны дараа киноныхоо нэрийг сонсох тэр мөчид “уйтгар гуниг” намайг эзэмдсэн. Тэр үед найруулагчаа, продюссерээ “12 жилийн боолчлол” гэнээ, та нар надаар тоглож байгаа байлгүй дээ гээд л. Гэнэт л миний амнаас “Би боолчлогдохыг хүсэхгүй байна, яагаад гэвэл би энэ амьдралынхаа ихэнх хэсгийн шударга бус амьдралаар амьдарч өнгөрөөсөн. Одоо л сайн сайханд дасах гэж хичээж байхад дахиад л хар дарсан зүүдийг мэдрэхийг хүсэхгүй байна” гэж хэлэхэд найруулагч маань “би зөв хүнээ сонгожээ” гэсэн. /Инээв/. Одоо бодоход тэгэж хэлсэндээ маш их харамсдаг. “Оскар” гардан авсаны дараа продюссер Брэд Питт “Амласандаа хүрсэнд чинь баярлаж байна. Бодит амьдрал дээр мэдэрсэн уй гашуугаа дэлгэцэн дээр гарах тэр мөчид “Оскар” л намайг сайн муу жүжиглэсэн эсэхийг шүүх болно” гэж миний хэлсэнийг надад хэлсэн. Яг үнэндээ энэ уран бүтээлд тоглох саналыг хүлээн авч, кино зохиолтойгоо танилцахад би тэгэж хэлж байсан удаатай юм. Би тэдэнд хандаж “Манай гэр бүл маш олон жил, та нарын бодож байгаагаас илүү олон жил хаанаас ч ирсэн нь мэдэгдэхгүй цагаан арьстай дээрэнгүй хүмүүсийн боол болж өнөөг хүртэл амьдарсан. Хамгийн сонирхолтой нь эх орондоо хүртэл боол мэт амьдарсан. Тиймээ би энэ бүх зовлон шаналалыг зүгээр л бодит байдлаар дүрслэн үзүүлэх болно. Би ямар ч шүүмжлэлийг хүлээн авахыг хүсэхгүй байна. Төгсгөлд нь сайн, муу жүжиглэсэн эсэхийг та бүхэн бус “Оскар” л шүүх байх гэж хэлж байсан юм. /Инээв/.

5

-Бардам ч гэлээ нэлээдгүй далд утгатай хариулт байна. Тиймээ би энэ уран бүтээлийг үзээд нулимсаа барьж дийлээгүй. Таны хэлдэгээр хаанаас ч ирсэн нь үл мэдэгдэх цагаан арьстай эрхмүүд ямар ч олон боолыг мөнгөний хэрэгсэл, хүчирхийллийн зэвсэг болгон ашигласан нь таашгүй. Та хэлсэн шүү дээ. Би олон ч удаа шударга бус зүйлийн золиос болж байсан гэсэн. Санахыг хүсэхгүй байгаа гэдгийг чинь мэдэж байгаа ч гэлээ асуухгүй байхын аргагүй асуулт байна?

-Би бол шархалсан зүрхтэй бүсгүй. Үзэгч та бүхэн миний өнгөрсөн амьдралыг энэ киногоор төсөөлж болно.

6

-Нэг зүйлийг асуухыг хүсч байна. Таныг долоон жилийн турш үсээ ургуулаагүй гэж сонссон?

-Бүсгүйчүүд ихэнх цагаа гоо сайхандаа зориулдаг. Хаанаас ч билээ би нэг зүйлийг уншиж байсан юм. Эмэгтэй танд 24 цаг байна гэж бодвол та есөн цагийг нь гоо сайхандаа зарцуулж, үлдсэн цагийг нь ажил, гэр бүл. Энэ болохгүй шүү дээ. Эмэгтэй хүн байлаа гээд амьдралын хамгийн чухал зүйл хөдөлмөр хаана гээгдээд байна аа гээд л би дуу алдсан. Тэр өдрөөс эхэлж, миний цаг завыг үрж буй үс болон бусад зүйлийг бүгдийг нь би биенээсээ зайлуулж, хөдөлмөр гэх агуу бурханд энэ биеэ зориулсан. Мөнгийг ямар амттайг би мэднэ. Хөдөлмөр ч түүнээс дутахааргүйг би мэднэ.

6

-Та “12 жилийн боолчлол” уран бүтээлд хүчирхийлэлд өртөж буй өнгөт арьст бүсгүй дүр бүтээдэг?

-Хүчирхийлэл гэдгийг ганц зүйлээр ойлгох нь буруу. Бие сэтгэл санаа, оюун, хүмүүс тэр болгон мэддэггүй болохоос ч нүд хүртэл хүчирхийлэлд өртдөг. Хайртай эр нөхрийг тань нүдэн дээр чинь алж байгаа бол шууд утгаар нүд ч гэсэн хүчирхийллийн золиос болж буйг хэзээ ч мартаж болохгүй.

6

Б.Дэлгэрцэцэг