Улсын клиникийн төв эмнэлгийн даргын сонгон шалгаруулалтыг Монгол Улсын Төрийн албаны зөвлөлийн 2003 оны 13 дугаар тогтоолоор батлагдсан "Төсвийн байгууллагын ерөнхий менежерийн үүрэг гүйцэтгэх дарга (захирал, эрхлэгч)-ыг сонгон шалгаруулах журам”-ын дагуу ЭМЯ-ны дэргэдэх Төрийн албаны зөвлөлийн салбар зөвлөлөөс 2011 оны 1 дүгээр сарын эхний долоо хоногт явууллаа.

Сонгон шалгаруулалтын дүнг үндэслэн Эрүүл мэндийн сайдын 2011 оны 06 тоот тушаал гарсан байна. Уг тушаалаар анагаах ухааны доктор Б.Бямбадорж УКТЭ-ийн даргаар томилогдсон бөгөөд Эрүүл мэндийн сайд С.Ламбаа, ЭМЯ-ны Төрийн нарийн бичгийн дарга Н.Хүрэлбаатар болон ЭМЯ-ны газрын дарга нар УКТЭ дээр хүрэлцэн очиж тус эмнэлгийн даргыг томилох тухай тушаалыг албан ёсоор танилцуулж, эмнэлгийн бүх шатны удирдлагуудтай уулзалт хийсэн байна.