-Та  улс төрийг бизнес гэж боддог уу. Үнэнээр нь хариулна уу? -Улс төрийг  бизнес гэж боддоггүй. Би бол тэмцэгч. Монголд хувьсгал тэмцлийг хийх ёстой, үүрэгтэй хүн бол би. -Иргэний хөдөлгөөний ерөнхий зохицуулагч хэрнээ Ардчилсан намын гишүүн гэхээр нэг л авцалдахгүй байна л даа? -Хувьсгалт үзэл санаан дээр улс төрийн намуудаас олон хүн нэгдсэн байгаа. Ер нь манай нийгэм намаараа хуваагдахаа больсон. Намд байгаа хүмүүс намаараа хуваагдахаа больсон байхад, дор байгаа хүмүүс ч намаараа хуваагдахаа больж байна. -Иргэний хөдөлгөөнийхөн 2008 оны сонгуулиас хойш бүгд улстөрийн  намд элсэж сонголтоо хийсэн. Харин эргээд нэгдэж нийлэх тухай яриад байгаа гэсэн үнэн үү? -Бид байнга уулздаг холбоотой байдаг. Гол итгэдэг зүйл үзэл санаа хэн аль намд орох нь хамаагүй. Нам гэдэг миний харж байгаагаар мафийн шинжтэй бүлэглэл болсон. Үүнийг задлах ёстой гэдэгтэй нэг санаатай байгаа. -АН-д орчихоор яаж мафийн бүлэглэлийг задлах юм. Өөрөө тэр бүлэглэлд орчихсон юм биш үү? -Бүгдийг нь орсон гэж хэлж болохгүй. Өнөөгийн засаглалд байгаа хүмүүсийг  мафийн бүлэглэлд орсон гэж хэлнэ. Та яг ямар зорилгоор АН-д элссэн бэ. Зүгээр л нам бус О.Магнай байсан чинь таны жинхэнэ нүүр царай биш гэж үү? -2008 оны долдугаар сарын нэгний дараа би АН-д элссэн. Тухайн үед нөхөр нь шоронд, хүүхэд нь шорон байгаа олон аав ээжүүд бүгд над руу утасддаг байсан. Тухайн үед тэр хүүхдүүдийг яаж ийж байгаад шоронгоос гаргах асуудал чухал байлаа. Хүүхэд ээжүүдийг уулзуулах асуудал надад илүү чухал байсан. -Тэгэхээр зөвхөн эдгээр хүүхдүүдийг шоронгоос гаргахын тулд АН-д элссэн гэж болох уу? -Тэгж ойлгож болно. -Одоо та тэр шийдвэртээ харамсаж байна уу? -Би ер нь гаргасан шийдвэртээ харамсаж байгаагүй