ОХУ-ын Челябинск хотын театрынхан Холливудын алдарт жүжигчин Леонардо Ди Каприод өөрийн театрын нэрэмжит хүндэт жүжигчин цолоор шагнаж хүндэтгэл үзүүлжээ. Энэ тухай тус театрын захирал Юрий Сычев “Dailymail.com” мэдээлсэн байна. Театрын ажилтнууд “Оскар”-ын шагнал хүртээгүй ч шагнал хүртсэн бүх цагийн жүжигчдээс илүү гэдгийг мэдрүүлэхийн тулд Леонардо Ди Каприод энэхүү нэр хүндтэй шагналыг гардуулан өгсөн гэжээ. Нэрт жүжигчин шагнал хүртсэнийхээ дараа нулимсаа барьж дийлээгүй бөгөөд театрын хамт олонд талархсанаа илэрхийлсэн гэнэ.

“Оскар”-ын шагналд таван удаа нэр дэвшиж, ганц ч удаа ялалт байгуулж үзээгүй Ди Каприог шүтэн бишрэгчид дэмжиж театрын гадна талбайд цугларцгаажээ. Леонардо Ди Каприо тус театрт тавигдах бүх жүжгийг үнэгүй үзэх эрхтэй болжээ. Түүнээс гадна театрын найруулагч нар Ди Каприог жүжгийн дүр бүтээх санал тавьсан гэнэ.

Б.Дэлгэрцэцэг