Монголын урчуудын эвлэлээс жил бүр зохион байгуулдаг “Хаан тэнгэрийн хатан бийр” нэртэй эмэгтэй уран бүтээлчдийн үзэсгэлэн өнөөдөр нээлтээ хийлээ. Үзэсгэлэнд Монголын урчуудын эвлэлийн ахмад уран бүтээлч Д.Уранчимэг, МУЭ-ийн нэрэмжит шагналт зураач Б.Насанцэнгэл, С.Төгс-Оюун, Д.Бадам, Я.Булга, Д.Булгантуяа уран бүтээлч Б.Баяндүүрэн, С.Ганцацрал, Ш.Баатар, М.Баярмагнай, Д.урдаа, П.Байгаль, Б.Хонгорзул, Б.Шатарсайхан, Т.Нурмаажав зэрэг 82 уран бүтээлчийн 95 уран бүтээл дэлгэгджээ.

Үзэсгэлэнгийн нээлтийн үеэр ахмад уран бүтээлч Д.Уранчимэгт “Монголын саран ээж” нийгэмлэгээс шагнал гардуулсан бол зураач н.Өлзийжавхлан Олон улсын эмэгтэйчүүдийн байгууллагын шагнал хүртсэн.

Ы

Эртний Коринфиягийн Коринф хотын залуу бүсгүй Кора дайнд мордох гэж буй хайрт залуугийнхаа лааны гэрэлд туссан сүүдрийг нүүрсээр хүрээлэн зурж өөртөө хадгалж үлдээсэн домог бий. Үүнийг эртний Гэрэгийн гүн ухаантан Плини уран зургийн эхлэл хэмээн тэмдэглэсэн байдаг аж. Тэгэхээр уран зургийг мөн эмэгтэй хүн “төрүүлсэн” гэж үзэж болох нь.

Ы

Эмэгтэй хүний уран сэтгэлгээ, нарийн мэдрэмжээс урган гарсан “Хаан тэнгэрийн хатан бийр” үзэсгэлэнгийн үүд энэ сарын 17-ны өдрийг хүртэл нээлттэй байна.

ы