Хамгийн сүүлд хэзээ, яагаад уйлсан бэ? Би эмээ өвөө дээрээ өссөн. Өнгөрсөн зун эмээ маань бурхан болсон. Хамгийн сүүлд эмээгээ бурхан болоход уйлсан байх аа.  -Та худлаа ярьдаг уу? -Бүүр худлаа ярьдаггүй гэвэл ёстой худлаа ярьсан болчихно. Хааяа худлаа ярих явдал гардаг. Гэхдээ  том зүйл дээр худлаа ярьдаггүй ээ. -Та Хятадуудтай хэр харилцаатай байдаг вэ. Хятад түнш бий юу? -Хятад найз байдаг. Олон гадаад найзуудтай. -ТБД Андуудын баруун талд байх Хятад ресторанд хэдэн хятадуудыг дайлж, нэг ширхэг нь 30 мянган төгрөгийн үнэтэй архиар дайлж байхдаа ямар зүйл тохиролцсон бэ? -30 биш 300 мянган төгрөгийн үнэтэй архи. Би ямар нэгэн зүйл тохиролцож шийдвэр гаргаагүй. Хүн юм чинь найзуудаа дайлж цайлсан байх. “Хувьсгал” зэвсэгт мөргөлдөөн, эмх замбараагүй байдалд хүрэхэд түүнд олон давхар бэлтгэлтэй олигархиуд хожиж харин үр дагавар хор хөнөөлийг нь жирийн иргэд амсах юм биш үү? -Хувьсгал бол эрсдэл. Мэдээж эрсдэл байна. Хөл бөмбөгөөр бол  бөмбөгийг өшиглөхгүй бол орохгүй нь тодорхой. Тиймээс оролдлого хийх хэрэгтэй. Монголд  тэмцэгч хүмүүс цөөнгүй бий. Орон нутгийн сонгуульд нэр дэвшинэ гэж сонсогдсон? Үгүй. Орон нутгийн сонгуульд нэр дэвшээд яах юм бэ. Тэрний оронд Лондонд хөрөнгийн  бирж дээр арилжаагаа хийгээд явсан нь дээр байх. Агаар нь ч цэвэр биз. Нийтийн төлөө хувьсал хийх гээд байгаа Магнайг ингэж ярихаар иргэд гайхах байхдаа? Бод л доо. Би орон нутгийн сонгуульд гараад юу өөрчилж чадах юм бэ. Юу ч өөрчлөгдөхгүй. Каддафигийн дэглэм  42 жилийн дараа унахад ард түмэн нь яаж үнэн зүрхнээсээ баярлаж байна. Тийм л баярыг ард түмэндээ төрүүлмээр байна. -Таны насны залуу хүн улстөрд ороод юу хийж чадах вэ? -Ерөнхийлөгч Ц. Элбэгдорж 1989 онд 26 настай байсан. Тэгэхээр хүн өөртөө л итгэх ёстой. Итгэвэл юу ч хийж чадна. Нас бол том хүчин зүйл биш. Гэхдээ нас явахаар туршлага сууна л даа. 2008 оны үйл явдлын дараа шоронд хоригдоход чиний зүрх зориг мохсон уу? -Тэрний дараа тайлбар хийгээгүй нь буруу борлсон байна лээ. Би хувьсгалч хүн, тэмцэгч хүн яаж шоронгоос гардаг вэ. Тэр л аргаар шоронгоос гарч ирсэн. Ус уугаагүй, хоол идээгүй сүүлдээ миний даралт 30/60 болсон. Тэгээд энэ хүнийг шоронд үхүүлээд яах вэ, гаргачихая гээд л гаргасан. Түүнээс биш би хэн нэгэн хүнтэй ярьж байж гарч ирээгүй.