Украины Ерөнхий сайдын үүрэг гүйцэтгэгч  Арсеный Яценьюк АНУ-ыг зорьж, тус улсын эрх баригчидтай Крымд үүссэн нөхцөл байдлын талаар зөвлөлдөх гэж буйгаа “Ukraine agency”-аар мэдэгджээ.

Тэрбээр АНУ-д хийх өндөр хэмжээний айлчлалынхаа хүрээнд Украины өнөөгийн асуудлыг шийдвэрлэх гарц болон санхүүгийн дэмжлэг авахаар айлчилах гэнэ.

Шинэ Засгийн газрын хэвлэл мэдээллийн алба, Яценьюк энэ долоо хоногийн лхагва гарагт Вашингтонд очиж, АНУ-ын Ерөнхийлөгч болон Төрийн нарийн бичгийн дарга Жон Керритэй уулзахаар төлөвлөсөн” хэмээн мэдээлжээ.

Цагаан ордны хэвлэлийн албанаас “Ерөнхийлөгч Барак Обама, Арсений Яценьюк нар Оросууд Крымд цэргээ оруулсан асуудлыг хэрхэн энх тайвнаар Украины тусгаар тогтнол, газар нутгийн бүрэн бүтэн байдалд халдахгүйгээр шийдвэрлэх тухай зөвлөлдөх бол Төрийн нарийн бичгийн дарга  Жон Керри эдийн засгийн хүндрэлээс хэрхэн гарах асуудлаар Яценьюктэй уулзахаар болсон” гэж мэдээллээ.

Б.Дэлгэрцэцэг