АНУ-ын Ерөнхийлөгч Барак Обама Нью Йорк хотод болсон “Цаг агаарын өөрчлөлт”-ийн хуралд оролцсоныхаа дараа дэлгүүр хэсчээ. Тэрбээр “1969” гэх дэлгүүрт орж эхнэр, охидууддаа хувцас худалдан авсан байна. Обама дэлгүүрт орсоныхоо дараа худалдагч бүсгүйгээс боломжийн үнээр хувцас худалдан авах тухай асуужээ.

Худалдагч 70 хувийн хямдрал зарласан хэсгийг зааж өгөхөд тэрбээр 15 ам.долларын үнэтэй ягаан өнгийн цамц охидууддаа авсан бол эхнэртээ 154 ам.долларын үнэтэй хослол худалдан авчээ. Тэрбээр худалдагчаас “Та эхнэрийг минь хэр мэдэх вэ. Эхнэртээ хамгийн сүүлд хэзээ хувцас авч өгсөнөө санахгүй байна. Тиймээс туслаач” гэжээ. Худалдагч бүсгүй интернэтэд орж тэргүүн хатагтайн хувцас болон биеийн хэмжээг мэдсэнийхээ дараа Ерөнхийлөгчдөө тусалсан аж.

Ерөнхийлөгч дэлгүүрээс гарахдаа “Залуус минь эхнэрийнхээ хэмжээг мэдэхгүй бол над шиг тэнэг байдалд орох нь. Тиймээс яг одоо эхнэр эсвэл хайртай бүсгүйгээсээ хэмжээг нь ямар ч аргаар хамаагүй асуугаарай” гэжээ.

Б.Дэлгэрцэцэг