Украины экс Ерөнхий сайд Юлия Тимошенко шоронгоос суллагдсаныхаа дараахан Киев хотын Тусгаар тогнолын талбайд амиа алдсан хүмүүсийн дурсгалыг хүндэтгэн, тайзан дээрээс үг хэлэх үедээ тахир дутуугийн тэргэнцэртэй гарч ирсэн. Тэрбээр “Януковчийн буянаар тахир дутуу боллоо. Бурхан минь харж байна уу би дахин хөл дээрээ зогсч чадахгүй болсон” гэж олон түмэнд хандан хэлснээр түүний нэр хүнд огцом дээшилж, дараагийн Ерөнхийлөгч хэмээн нэрлэгдэх болсон. Үүнээс хэд хоногийн дараа тэрбээр Герман руу эмчилгээнд явсан билээ. Түүнийг эмчилгээнд явсаны дараахан олон нийтийн сүлжээнд Тимошенкогийн нэгэн зураг тавигдсан нь Украиныг хоёр хуваав.

Өнгөрсөн сарын 17-нд Тимошенко Тусгаар тогтнолын талбайд ард түмэнтэйгээ уулзаж байхдаа тэргэнцэр дээр өмссөн зузаан ултай, хар өндөр өсгийтэй гутал эргэлзээ төрүүлжээ. Мөн Украины Тэргэнцэрийн холбооноос, “Хэзээ ч тахир дутуу тэр тусмаа хөл нь чадвараа алдсан тохиолдолд ийм гутал өмсөхгүй аль болох намхан, дулаахан гутал өмсөх нь хууль” хэмээн Тимошенког шүүмжилжээ. Украинчууд экс Ерөнхий сайдаа “Нурууны өвчтэй хүн ийм гутал өмсөх үү. Тэр удаан хугацааны турш нуруугаа эмчлүүлж, тиймээс л шоронд суугаагүй. Өвчтэй хүн ингэж хувцаслаж таарахгүй. Хуурамч амьтан. Жүжигчин хүүхэн. Ингэж нэг Юлия Тимошенкогийн булхайг илчилдэг байна аа” хэмээжээ.

Б.Дэлгэрцэцэг