Японы “Panasonic electronics” компанийн удирдлагууд Хятадад ажиллаж байгаа ажилчиддаа агаарын бохирдол эрүүл мэндэд нь нөлөөлж байгаа учир нэмэгдэл цалин олгох нь зөв хэмээн баталжээ. Хятадад үйл ажиллагаа явуулдаг, үйлдвэрлэлтэй компаниуд гадаадаас ирсэн ажилчиддаа цалингийн нэмэгдэл олгодог жишиг байдаг ч “Panasonic”-ийн хувьд агаарын бохирдлоос үүдсэн нэмэгдэл олгож байгаа анхны компани болж байгаа юм.

Компаниас энэ асуудлыг үйлдвэрчний эвлэлтэй хийх цалингийн хэлэлцээний нэг хэсэг болгон оруулсан байна. Тус компани урьдчилсан байдлаар ажилчдынхаа цалинг 2000 иеэн буюу 19.5 ам.доллароор нэмэхээр төлөвлөж байгаагаа мэдэгджээ. Японы Ерөнхий сайд Шинзо Абе Хятадын агаарын бохирдол гамшигийн хэмжээнд хүрсэнийг буруутгаж, нэн даруй арга хэмжээ авахыг сануулсан байна.

Хятадын томоохон хотуудад агаарын бохирдол тулгамдсан асуудал болсон бөгөөд БНХАУ-ын төрийн нарийн бичгийн дарга Ли Кикүиан “Агаарын бохирдолтой үе шаттайгаар тэмцэнэ” гэдгээ мэдэгдэж, ард түмнээсээ уучлалт гуйжээ.

Б.Дэлгэрцэцэг