Ливийн салан тусгаарлагчдын гарт орсон Хойд Солонгосын далбаатай онгоцыг зугтаалгасан хариуцлагын улмаас албан тушаалаасаа огцорсон Ливийн Ерөнхий сайд Али Зейдан эх орноосоо зугтсан тухай “ВВС” агентлаг мэдээллээ. Экс Ерөнхий сайд Али Зейданыг хоёр хоногийн өмнө парламентаас огцруулсаны дараа прокуророос түүнийг санхүүгийн гэмт хэрэгт шалгаж буй эхэлсэн тул хилээр гарахыг хориглоод байсан юм. Ливийн албаныхны үзэж буйгаар Али Зейданы онгоц Европыг чиглэсэн боловч, ямар улсад нэвтэрсэн нь нууц хэвээр байгаа юм. Өнөөдрөөс эхлэн Али Зейданыг Интерполоор эрэн сурвалжилж эхэлжээ.

Ливийн зүүн хэсгийн газрын тосны ордуудыг эзлээд буй салан тусгаарлагчид Хойд Солонгосын далбаатай “Morning Glory” газрын тос зөөгч хөлгийг ашиглан өнгөрсөн мягмар гарагт 234 мянган баррель түүхий эдийг гадагш тээвэрлэн авч одсон аж. Үүний дараа Ливийн тэнгисийн цэргийн хөлгүүд Хойд Солонгосын далбаатай усан онгоцны араас нэхсэн боловч цаг агаарын шалтгаанаар гүйцэж чадалгүй алдсан билээ. Энэхүү үйл явдлын дараа Ливийн эх баригчид Хойд Солонгосын талд анхааруулга өгч, дахин Хойд Солонгосын тугтай хөлөг онгоц Ливийн газар нутагт орсон тохиолдолд шууд дэлбэлэхээ анхааруулжээ.

Б.Дэлгэрцэцэг