УИХ-ын Аюулгүй байдал, гадаад бодлогын байнгын хорооны өнөөдрийн хурлаар “Гэмтэл, согог судлалын үндэсний төвийн хүлээн авах, яаралтай тусламжийн үйлчилгээг бэхжүүлэх” төслийг хэрэгжүүлэх зорилгоор Монгол Улсын Засгийн газар, Бүгд Найрамдах Франц Улсын Засгийн газар хоорондын Санхүүгийн хэлэлцээрийн төслийг хэлэлцэж дэмжсэн байна. Францын Засгийн газраас авах 5 сая еврогийн зээлийн 4 сая еврогоор нь сэхээн амьдруулах яаралтай төхөөрөмжийн багц багаж, монитор, компьютерийн оношлогооны 52 нэр төрлийн тоног төхөөрөмж худалдаж авах аж.