Өөрийн сонгосон ажил мэргэжилдээ үнэнч байж, эх орондоо ихийг хийж бүтээж яваа эрхэмүүдэд өнөөдөр Монгол улсын ерөнхийлөгч хүндэтгэл үзүүлж, төрийн дээд одон медаль гардуулан өглөө. Төрийн ордоны есөн хөлт цагаан туг бүхий хүндэтгэлийн танхимд зогсох эрхэм хүндтэй олны дунд “Харангын” Лхагваа буюу Харанга хамтлагийн гоцлол дуучин Хатанбаатарын Лхагвасүрэн зогсон Монгол улсын гавъяат жүжигчин цолоор шагнуулав.

6

Тэрбээр шагнал авах торгон агшин ойртож, танхимд зогсох хүндэт хүмүүсийн нэрийг ээлж дараалан дуудахыг харж зогсохдоо сэтгэл хөдлөлөө дарж байгаа нь анзаарагдаж  байсан юм.

Шагналын арга хэмжээний дараа МУГЖ Х.Лхагвасүрэнгээс цөөн асуултад хариулт авснаа хүргэж байна.

5

-МУГЖ цолоор шагнууллаа. Сэтгэгдэл ямар байна?

-Маш их баярлаж байна. Түмэн олондоо, төрүүлсэн ээждээ, эхнэр хүүхэддээ, хамтлагийнхандаа, рок попын урлагт хамтдаа зүтгэж яваа анд нөхөддөө, хэвлэл мэдээллийн салбарт ажиллаж байгаа та бүхэндээ, дуунд дуртай монгол түмэндээ бүгдэд нь баярлалаа. Урт насалж, удаан жаргаж, дуу шиг сайхан амьдарцгаагаарай.

5

-Та хэдэн жил дуулж байна вэ?

-Би одоо 25 жил дуу дуулж байна. Энэ жил манай хамтлагийн ой болно.

5

-Ерөнхийлөгч шагнал гардуулж байхдаа юу хэлсэн бэ?

-Хааяа нууц юм гэж байх ёстой биз дээ. Нууц

5

-Харанга хамтлагийнханы хувьд энэ жил олон баяр давхацсан жил болж байна гэж болох уу?

-Тэгэлгүй яахав. Үзэгч фэнүүддээ, монгол түмэндээ бүгдэд нь хайртай. Бид та бүхэндээ ойн баярын уран бүтээлээрээ бэлэг барина.

5

-Шагнал гардаж авах агшинд юу бодогдсон бэ?

-Тун сайхан. Би өөрөө цэргийн хүн байсан болохоор сэтгэл их сайхан байлаа.

5

-МУГЖ цолоор шагнуулах болсоноо хэзээ анх мэдсэн бэ?

-Хоёр хоногийн өмнө эхнэрээсээ л сонслоо доо.

5

Ерөнхийлөгчөөс шагнал хүртсэн эрхмүүд Төрийн ордоны урд хаалгаар гарч,  ар гэр, анд нөхөдтэйгээ уулзаж, баяр хөөр болцгоодог билээ. Шинэхэн гавъяатыг Төрийн ордоны хаалгаар гарч ирэхэд гэр бүлийнхэн нь, найз нөхөд нь, фенүүд нь “уухай” хэмээн баярласан сэтгэлээ илэрхийлж байсан юм.

Хэдхэн хоногийн өмнө түүнийг МУГЖ цолоор шагнуулна гэсэн мэдээлэл хэвлэлээр гарч эхлэхэд түүний шүтэн бишрэгчид нь ашгүй нэг шагнал авах нь, хожимдож ирсэн шагнал, зарим нь худлаа биз дээ, жил болгон л тэгж яригддаг гэж сэтгэгдэлээ илэрхийлж байсан.

Анх 1983 онд Цэргийн хөгжимд орж, нарийн бүрээ тоглодог байсан тэрбээр 1989 онд Харанга хамтлагт орсноор түүний дуучин хэмээх эрхэм алдарын эхлэл  болсон гэдэг. 1999 онд Монгол улсын Соёлын тэргүүний ажилтан уол хүртэж байсан бол өнөөдөр ийнхүү Монгол Улсын Гавъяат Жүжигчин цолтой боллоо.

Харанга хамтлагийн гоцлол дуучин болсон цагаас эхлэн түүний тухай сайн, муу олон янзын мэдээлэл гардаг ч гэлээ монголчуудын сэтгэлд хоногшсон олон сайхан дууг амилуулж ирсэн. Түүний “Толин хул” дууг сонсоод сэтгэл хөдөлдөггүй монгол хүн үгүй бол,  “Сар шиг холын нутаг” нэртэй дууг сонсож хүний газар ажиллаж амьдарч яваа монголчууд минь сэтгэлийн дэм авдаг гэдэгтэй маргах хүн гарахгүй бизээ.

a

П.Наран