Өнөөдөр Дэлхийн яруу найргийн өдөр тохиож буй.  Энэ өдөр Хорьдугаар зууны монголын сод их яруу найрагч Б.Явуухулангийн цэцэрлэгт хүрээлэнд яруу найрагчид маань утга уянга яруу, гэгээн аялгуу бүрэлдсэн найраг шүлгээ уншин нэгэн өдрийг өнгөрүүлж байна. Тэгвэл Монголын яруу найрагч эрхмүүдийн дунд зохиогддог “Болор цом” наадмын  тэргүүнээр хоёр ч удаа тодорсон Цоодолын Хулан хэмээх цангисан хоолойтой яруу найрагч бүсгүй өнөөдөр Монгол Улсын урлагийн гавъяат зүтгэлтэн цол хүртэж, давхар баяр тохиолоо. Тэрээр Монгол Улсын төрийн шагналт, Ардын уран зохиолч, Соёлын гавъяат зүтгэлтэн, яруу найрагч Дөнгөтийн Цоодол хэмээх монголын утга уран зохиолын салбарт хүндтэй байр суурь эзэлсэн эрхмийн охин юм.

f

Төрийн тэргүүнээс Монгол Улсын соёлын гавьяат зүтгэлтэн цол хүртсэн Хүүхэлдэйн театрын дарга, яруу найрагч Цоодолын Хулан, түүний аав Дөнгөтийн Цоодол нараас баярт мөчийн сэтгэлдлийг нь хуваалцлаа.

f

Цоодолын Хулан “Хүн алс холын замд гарахад цаг агаарын мэдээгээр зарлаагүй байхад тэнгэрээс сайхан хур бороо ороход их билэгшээдэг. Үүн шиг  хүн ер нь шагналд дуртай байдаг юм байна. Би өмнө нь шагналууд авч байсан ч энэ удаагийн шагналд үнэхээр баярлаж байна. Яруу найраг, утга зохиол, соёл урлагийн салбар амар хялбар биш. Намайг ойлгож дандаа урмаар тэтгэж ирсэн эрхэм хүндэт уншигчиддаа баярлалаа гэж хэлмээр байна” гэв.

 vg

Дөнгөтийн Цоодол “Охиныхоо өмнөөс маш их баярлаж байна. Урлаг, утга зохиол яруу найрагчийн зам гэдэг маш хэцүү, хүнд байдаг юм. Ийм хэцүү замд зориглож орсон охиноо анх уран бүтээлчийн замд орж байхад нь би гэж уран бүтээл гээд гэр орны ажилд ч оролцдоггүй хүн. Охин минь энэ зам нь орох нь зөв юм болов уу даа гэж бодож байсан юм. Гэхдээ охин  минь зөв сонголт хийсэн юм байна гэж бодож байна даа” гэлээ.

 n

П.Наран