“Сочи 2014” олимпод гурван алт, нэг хүрэл медалиар энгэрээ мялаасан шорт трекийн алдарт тамирчин Виктор Анд үнэнч шүтэн бишрэгч нь хаус бэлэглэсэн тухай “Yonhapnews.co.kr” агентлаг мэдээллээ. Виктор Ан өнөөг хүртэл Новогорск дахь тамирчдын бэлтгэлийн баазад гэр бүлийнхээ хамт амьдарч байсан юм. Ойрын эх сурвалжийн мэдэгдэж буйгаар, энэхүү хаус бэлтгэл хийдэг газраас нь тийм ч холгүй байдаг гэжээ.

1

Өвлийн олимпийн баатрын хауст хоёр ч компани хандив өргөж, Санкт Петербургт 100 м.кв, Калугад бас нэг байртай болох боломжтой болсон аж.ОХУ-ын Тэшүүрийн холбооны Ерөнхийлөгч Алексей Кравцов “Шорт трек олон нийтийн анхаарлыг ингэж их татаж байгаад бид мэдээж баяртай байгаа. Бас Виктор Аны төлөө баярлаж байна. Гэхдээ ийм тийм юм бэлэглэлээ гэдэг PR олимп болгоны дараа явдагийг мартаж болохгүй. Обинискоос бол барилгын компанийн захирлын бичсэн баталгаат захидал хүлээж авсан байгаа. Захидалд Виктор Анд хоёр өрөө байр бэлэглэх хүсэлтээ илэрхийлсэн байсан. Энэ бол мэдээж гайхалтай хэрэг, гэхдээ тэд одоо яг тамирчинд түлхүүрийг нь өгсөн юм алга байна” хэмээн ярьжээ.

1

Б.Дэлгэрцэцэг