Монголын төр, нийгмийн болон утга соёлын нэрт зүтгэлтэн С.Буяннэмэхийн нэрэмжит номын өргөө байгуулагдсаны хоёр жилийн ой өчигдөр тохиолоо. Ойн арга хэмжээнд СГЗ, Төрийн шагналт зохиолч Д.Нямаа, Буяннэмэх судлаач, СГЗ доктор профессор Д.Цэдэв, СГЗ зохиолч Х.Зандраабайдий, СГЗ зохиолч До.Цэнджав, Нацагдоржийн шагналт яруу найрагч П.Нямлхагва, МЧЗХ-ны гишүүн зохиолч О.Бяруузана, “Төгөлдөр Буяннэмэх” ТББ-ын тэргүүн Л.Амаржаргал, Дундговь аймгаас төрсөн эрдэмтэн зохиолч, судлаачид оролцжээ.

.

Энэ үеэр С.Буяннэмэхийн анх санаачилсан “таван хором” яруу найргийн наадмыг зохион байгуулсан байна. Уг наадамд 20 гаруй оюутан залуу оролцсоноос залуу яруу найрагч Т.Саранчимэг тэргүүн, МЗЭ-ийн гишүүн яруу найрагч Т.Дарханхөвсгөл дэд, зураач, яруу найрагч Г.Мөнхбаатар гуравдугаарт байрыг тус тус эзэлжээ. Энэхүү яруу найргийн наадмыг цаашид улсын хэмжээнд уламжлал болгон зохион байгуулагдах аж.

,

Д.Цэцэг