Америкийн нэр хүнд бүхий 110 их дээд сургуульд тэтгэлгээр суралцуулах, оюутан элсүүлэх үйл ажиллагаа явуулж буй IDEA хөтөлбөрөөс зохион байгуулсан “IDEA scholarship” англи хэлний олимпиад энэ сарын 23-нд өндөрлөсөн. Уг олимпиадад байр эзэлсэн сурагчдад шагнал гардуулах үйл ажиллагаа өнөөдөр болов. Олимпиадад 15 сургуулийн ахлах ангийн 958 сурагч оролцож мэдлэг чадвараа сорьсон байна. Энэхүү олимпиадыг 9-10, 11-12 анги гэсэн 2 ангиллаар явуулсан аж.

1

Олимпиадын 9-10-р ангийн сурагчдаас тэргүүн байр эзэлсэн HOBBY сургуулийн сурагч Ч.Эгшиглэн Монгол Улсаа төлөөлөн Харвардын их сургуулийн “Leadership in Action” 7 хоногийн хөтөлбөрт үнэгүй хамрагдах эрхтэй боллоо. Мөн 11-12 ангийн сурагчдыг тэргүүлсэн HOBBY сургуулийн сурагч Б.Санчир Калифорни мужаар 7 хоног аялах эрх гардан авсан юм. Хоёр ангилалд дэд болон гуравдугаар байр эзэлсэн н.Хатанбүүвэй, Б.Номундарь, Б.Од-Эрдэнэ, н.Нямрагчаа нар Колумбиа, Жон Хопкинсийн их сургууль болон Калифорни мужийн хэлний сургуулийн “7 хоногийн зуны хөтөлбөр”-т хамрагдах эрхийг тус тус гардан авлаа.

1

Шагнал гардуулах ёслолын ажиллагаанд IDEA сангийн гүйцэтгэх захирал Blair A.Bailey, Монголын боловсрол, залуучууд солилцооны үндэсний ассоциацийн захирал М.Туяа нар оролцсон юм.

1

Ж.Мөнхзул