Монгол улсын дөрөв дэх буюу Ардчилсан шинэ Үндсэн хуулийг баталсны 19 жилийн ойд зориулсан үндэсний бөхийн барилдаан амжилттай болж өнгөрлөө. Энэхүү барилдаан нь энэ жил 20 дахь удаагаа зохиогдож буй бөгөөд хамгийн анхны барилдаанд Хөвсгөл аймгийн Галт сумын харьяат МУГТ, улсын заан С.Хүрэлбаатар түрүүлж байсан бол, өнгөрсөн жил цэргийн арслан Ч.Санжаадамба түрүүлснийг та бүхэн санаж байгаа биз ээ.

Харин өнөөдрийн барилдаанд улсын арслан Д.Ганхуяг, улсын гарьд Н.Ганбаатар, улсын заан Д.Рагчаа, Б.Соронзонболд, улсын харцага Л.Пүрэвжав, Д.Баасандорж, М.Батжаргал, Ө.Бат-Орших тэргүүтэй хүчит 128 бөх зодоглосноос:

Түрүү: Увс аймгийн Хяргас сумын уугуул, Сэлэнгэ аймгийн Мандал сумын харьяат, “Таван хан” бөхийн дэвжээ, Алдар спорт хороо, зэвсэгт хүчний-ний 032-р анги, “Ноёд” группын бөх улсын шинэ залуу начин Чотонгийн БАЯНМӨНХ

Үзүүр: Увс аймгийн Хяргас сумын харьяат, “Увс нуур” бөхийн дэвжээ, Хүч спорт хороо, Нийгмийн хэв журам хамгаалах газар, “Дарханы төмөрлөгийн үйлдвэр” ТӨХК-ийн бөх ...............