Дархан-Уул аймгийн хэмжээнд 2014 онд 45 аж ахуйн нэгж, 54 иргэн 13.2 мянган га талбайд үр тариа, малын тэжээл, техникийн ургамлыг тариалахаар бэлтгэл ажилдаа оржээ. Мөн энэ жил 32 аж ахуй нэгж, 7210 иргэн 709 га-д төмс, 1264 га-д хүнсний ногоо тариалахаар төлөвлөн, тариаланчдын тариалах 4 сортын 650 тн улаан буудай, 3 сортын 100 тн төмсний үрнээс дээж авч шинжилгээнд хамруулсан байна. Түүнчлэн тариалалтын өмнөх чийг хаалт болон тариалангийн талбайн үлийн цагаан оготнотой тэмцэх ажлыг эхлүүлэхээр бэлтгэл ажлыг хангаж буй.

Тус аймгийн хэмжээнд хаврын тариалалт болон уринш боловсруулалтанд нийт 476 тонн шатахуун, 120 тн бордоо, 76.5 мянган литр ургамал хамгааллын бодис, 1175 тн улаан буудайн үр дутагдаж буй тооцоо, судалгааг гаргаж ҮХААЯ-нд хүргүүлжээ.

Хаврын тариалалтанд оролцох техникийн тухайд зүтгэх хүчний трактор 54, үрлэгч 85, чиргүүл дүүжин техник 192 ажиллах бөгөөд өнөөдрийн байдлаар аж ахуйн нэгжүүд техник засвар үйлчилгээний ажлаа эхлүүлсэн байна.

А.Жаргал