АНУ-ын Ерөнхийлөгч Барак Обама, ОХУ-ын Ерөнхийлөгч Владимир Путинд санал тавьсны дүнд Украин, Крымийн асуудлаар 50 минут утсаар ярьсан тухай “ВВС” агентлаг мэдээллээ. Ерөнхийлөгчид утсаар ярихдаа “Украины хямралыг дипломат аргаар шийдвэрлэж болох арга замын талаар хэлэлцсэн” гэж Цагаан ордноос мэдэгджээ. Энэ үеэр Путин Украинд үүсээд буй нөхцөл байдлыг хэрхэн тогтворжуулахыг бодож, боловсруулж буйгаа танилцуулсан байна. Путин, Обама нарын утсаар ярьсны үр дүнд хоёр орны Гадаад хэргийн сайд нар ойрын хугацаанд уулзалт, хэлэлцээ хийхээр тохиролцсон аж. ОХУ-ын Төрийн Думаас “Хоёр Ерөнхийлөгчийн харилцан яриа үр дүнд хүрч, ирэх сарын эхээр Орос, АНУ-ын гадаад хэргийн сайд нар халуун цэг болоод буй Украины асуудлаар уулзаж, санал бодлоо солилцохоор болсон. Тус уулзалтын дүн нааштай гарна гэдэгт итгэлтэй байна” гэж мэдээлжээ.

1

Украиныг Европын холбоонд нэгтгэхийн төлөөх эсэргүүцлийн жагсаал өнгөрсөн оны арваннэгдүгээр сараас эхлэлтэй юм. Мөн хоёрдугаар сард засаг солигдож, Ерөнхийлөгч Виктор Янукович ОХУ руу зугтаасны улмаас тус шинэ Засгийн газрыг байгуулж буйгаа зарласаны дараагаас Оросын арми Крымийг эзэлсэн.  Харин Крымийн засаг захиргаа болон ард түмэн нь Оростой нэгдэхээр нээлттэй санал асуулга явуулж, иргэдийн 97 хувийн саналаар ОХУ-ын газар нутагт орсон билээ. Өнөөг хүртэл Украин, АНУ, НҮБ, Европын холбооны зүгээс Крымийн санал асуулгыг хууль бус хэмээн зарлаж, Украины тогтвортой байдалд аюул учруулсан гэх ОХУ-ын эсрэг хориг арга хэмжээ тавьж эхэлсэн билээ.

1

Б.Дэлгэрцэцэг