Өчигдөр олон улсын инээдмийн баярын өдөр тохиолдуулан манай хошин урлагийнхан “The Best of Comedy” хоёрдугаар наадмыг зохион байгууллаа.

Энэхүү үйл ажиллагааны үеэр хошин урлагийн "Эмоци" хамтлагийн жүжигчин С.Тэмүүжин буюу Тэмка, "Маск" продакшны жүжигчин Г.Чулуунцэцэг  нар МУСТА цол тэмдгээр энгэрээ мялаажээ.

“Best of comedy 2014” ёслолын үйл ажиллагаанд "Маск" "Х ТҮЦ" "Эмоци" "Шинэ Үе", "Мөрөөдлийн театр", "Шилдэг өнгө", “Чапи&Суурь” нарын долоон  хамтлаг, продакшн болон МУГЖ Ж.Галсантогтох, Л.Чаминчулуун, Б.Туяа зэрэг хошин урлагийн анхдагч уран бүтээлчид оролцсон байна.

Хошин урлагийнхны нэгдсэн тоглолтоос олсон бүх орлогыг Шастины нэрэмжит улсын гуравдугаар төв эмнэлэг болон хүүхдэд зориулсан сайн үйлсэд хандивлах аж. Тоглолт өнөөдөр орой СТӨ-нд нэг удаа тоглогдоно.

Б.Буд